VARSLA 34 GRADER I OSLO I GÅR: - Det vart berre 30 på Blindern

Mandal-Eigebrekk, 29.06.18: - Hovudstaden er på
rekordjakt - torsdag (i går) kan det verte 34 grader, skreiv
NRK-journalist Bente Kristin Rundereim Kjellesdal i ein
undertittel på nettportalen "yr.no" tysdag kl. 11.43 og
oppdatert onsdag kl. 10.01

_________________________

Vêrkommentar: Bernt Lie

_________________________


Det var vakthavande meteorolog ved VA på Blindern,
statsmeteorolog Kristian Gislefoss, som hadde gjeve
NRK-journalist Rundereim Kjellesdal dette varselet
tysdag føremiddag, og justert det onsdag føremiddag.
NB: Denne versaken ligg ute på nettportalen "yr.no" og
er ikkje trekt attende fredag ettermiddag!
34 grader på Blindern på ein juni-dag, om det så var
den tredjeseinaste, ville ha vore tangering av
vermerekorden for hovudstaden sia dei fyrste målingene
frå 1816, altso for meir enn to hundre år! Nett det var
ikkje tema på "yr.no" - berre varsel eller prognose om
34 grader i maksimum.
No vart det berre 30,1 grader på Oslo-Blindern i går,
med andre ord ein bom på fire grader. - Rett nok vart
31,4*C på Oslo-Bygdøy, men det var nok ikkje Bygdøy
den profilerte varslingemeteorologen hadde i tankane
korkje tysdag eller onsdag.
So vidt som Ver og vind kan sjå no i ettermiddag,
"dagen derpå", vart det ikkje teke noko atterhald eller
uttrykt noko uvisse kring dei 34 gradene. Så vi tek det
som ein god bom - i desse tropevarme dagane i
hovedstaden og enda varmare plassar austafjells. Som
vi melde i går kveld, var det Tønsberg-Kilen som vart
varmast i heile landet med 32,2 grader som det høgste.
NB: Om nokon undar seg på kvifor Ver og vind skrive
denne kommentaren på nynorsk, er det av di meldinga
på nettportalen "yr.no" var på nynorsk.
Slutteleg legg vi til at den absolutte vermerekorden i
hovudstaden er 33,9*C fra Oslo-Observatoriet (attmed
Solli) frå den 25.6.1888 og at Oslo-Blindern-rekorden er
33,7*C fra den 29.6.1947.